Կոնտակտներ / Contacts
- Office (+374) 11 880 880
- Երկ Երք Չոր Հնգ Ուբթ (07:00-23:00)
Շաբ Կիր (08:00-22:00)
© Multi Wellness Center
Մուլտի Վելնես մարզաառողջարարական կենտրոնում գործող Ռեստորանն առաջարկում է հատուկ սննդացանկ՝ հագեցած սռողջ ու համեղ ուտեստներով և ըմպելիքներով, որոնք պատրաստվում են բացառապես թարմ մթերքներով։
Հատուկ կազմված սննդացանկը բաղկացած է մի քանի մասից՝ մանկական առողջ սնունդից, մինչև մարզիկների, ՍՊԱ կենտրոնի այցելուների, ինչպես նաև գուրմանների համար նախատեսված ուտեստներ:
Մուլտի Վելնես մարզաառողջարարական կենտրոնի գործունեության հիմքում ընկած է առողջ ապրելակերպի տարածումը: Այս առումով մեծ նշանակություն ենք տալիս նրան, թե ինչպես են սնվում մեր հաճախորդները:
Ակումբում գործում է հատուկ Healty Menu, որը նախատեսված է բացառապես առողջ ապրելակերպ վարող ու իրենց կազմվածքին հետևող այցելուների համար և ներառում է հատուկ մթերքներով և բաղադրատոմսերով պատրաստված ուտեստներ:
Մուլտի Վելնես մարզաառողջարարական կենտրոնն իր հաճախոդներին առաջարկում է ըմպելիքների լայն տեսականի, այդ թվում ՝ նաև ռեստորանային։
Մենյուն թարմացվում է ըստ սեզոնի՝ հաշվի առնելով տվյալ սեզոնին բնորոշ մթերքների տեսականին: Մասնավորապես, աշնան ամիսներին այն համալրվում է սերկևիլ, դդում, մեղր պարունակով ընպելիքներով:
Հատուկ ուշադրության են արժանի հատկապես մեր հեղինակային թեյերը․ հատկապես աշուն-ձմեռ ժամանակահատվածում շեշտը դնում ենք թեյախմության վրա՝ առաջարկելով տարբեր համերի ու փնջերի թեյեր, այդ թվում՝ խոտաբույսերով, հատապտուղներով, ցիտրուսով, իմբիրով և այլն:
Մուլտի Վելնես Ակումբի պարծանքներից մեկը ֆիթնես բարն է, որն այս պահին ամենամեծ ու ամենաընդարձակ մենյու առաջարկող ֆիթնես բարն է ԵրևաՆում :
Առաջարկում ենք բացառապես թարմ մթերքներից վիտամիններով հարուստ ըմպելիքներ:
Մենյուն առանձնացված է բաժիններով, մասնավորապես՝ համեղ սմուզիներ, նիհարացնող ըմպելիքներ, բնական պրոտեին պարունակող, էկո-վիտամիններով խմիչքներ, ինչպես նաև դետոքս, որը ենթադրում է օրգանիզմի մաքրում շլակ-տոքսիններից:
Այն հաճախորդների համար, ովքեր մարզումների են շտապում դասերից կամ աշխատանքից հետո՝ չունենալով ժամանակ սնվելու, առաջարկում ենք հատուկ հագեցնող և էներգիա հաղորդող բնական ըմպելիքներ։ Ֆավորիտների շարքում է սպանախ, ելակ, բանան և կաթ պարունակող էներգետիկ ըմպելիքը:
Մուլտի Վելնես ֆիթնես բարում հաճախորդներն ունեն ընտրության հնարավորություն՝ կարող են ձեռք բերել ինչպես պատրաստի սննդային հավելումներ, այնպես էլ բնական մթերքներից ՝ թարմ մրգերից ու բանջարեղեններից հենց իրենց աչքի առաջ պատրաստվող քամած հյութեր, որոնք պարունակում են անհրաժեշտ հավելումները:
